الاسم: مصطفى الشرقاوي 
راسلني
شايلة همومك يا وطن
من يوم ما كنت جنين
حتة في رضعة لبن
ويّاها خوف وأنين
خوف من ظلامك يا وطن
وأنين المظلومين
خايفة في يوم يا وطن
تقتل في قلبي حنين
تكسر جناحي يا وطن
بإيدين السجّانين
هنا عسكرية وهنا
ترزية للقوانين
السلام عليكم ورحمة الله وبركاته
تأخرت عليكم كثيرا ولسوف أتأخر أكثر
فقد هالني ما فعله كفار الدنمارك وفاشيوهم باسم الحرية الشخصية وحرية التعبير من نشر الرسوم المسيئة للرسول الكريم عليه الصلاة والسلام
وإني الآن بصدد كتابة بحث عن الحبيب المصطفى سوف أعرض فصوله على المدونة بإذن الله للتعريف الحق بالحبيب
فانتظرونا ولن نتأخر كثيرا إن شاء الله
آسف يا غزة .. يا أرض العزة
سامحيني
سيفي مش ف دي
باعه حقير نخاس
بيقولوا عليه سِيدي
سيدي : ملك ، وأمير مع السلطان
ورئيس لدولة
فاق بفعله الجان
وخلاص يا غزة مفيش معايا سنان
غير حزني وجراحي
وياها دِ الألحان
ألحان بتعزف جرحي ودموعي
ألحان بتنزف
م المرض معاه جوعي
ألحان تمد لغزة بشموعي
يمكن تنور لها
من دمّي وضلوعي
أبكي على إيه ؟.. ولا على مين ؟؟؟
أبكي على الأموات ولا عالمجروحين
أبكي على اللي مات
ولا لّي عايشين ميتين
أبكي على غزة
ولا على العزة
دفناها ببرود
دسناها ف الطين
أبكي على إيه ولا على مين ؟؟؟؟
أبكي على الضفة
ولا للي باعوها
أبكي على غزة
ولا للي فادوها
أبكي على نفسي
ولا على الساكتين
أبكي على إيه ولا على مين ؟؟؟؟؟؟؟
أبكي على القسام
بلدي يا مصر يا غالية عليا 
يا اللي ترابك كحل عينيا
نفسي أشوفك حرة قوية
بلدي يا مصر يا ضي عينيا
نفسي نهارك يبقى نجاح
وكمان ليلك كله فلاح
ومحدش يتحكم فيا
بلدي يا مصر يا غالية عليا
نفسي مصانع ويّا مزارع
نجمك كده على طول ف العالي
حبطل السياسة
وأعيش إنسان جديد
حقولها بكل كياسة بدأ زمن العبيد
بدأ زمن العبيد
إيييييييييييه
الناس في غزة ماتوا والكل بتوع حركات
مدريد وبوليس وأوسلو
والتعلب فات وفات
والتعلب فات وفات
إييييييييييييييييييييه
خلاص بلاش عبادة
مش حَنخَرّج حُجاج
بلاويكوا بقيت زيادة
فزتم بيها الحَجاج
فزتم بيها الحَجاج
إييييييييييييييييه
خلاص بطلنا سياسة
مين اللي قتل الفرخة
كانت جملة زمان كنا بنقولها في اسكتش فكاهي ونضحك عليها كتييييييييييييير
لحد ما فتحت النت من يومين ثلاثة ولقيت الحمامة المذبوحة
بوتو
سألت نفسي
مين اللي قتل الفرخة
برويز مشرف؟
الأمريكان ؟
هي انتحرت ؟
نواز شريف ؟
الإسلاميين ؟
مين يا ترى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سؤال محتاج لجواب
